O'zbekiston va Qozog'iston zamonaviy beshkurash federaciyalari o'rtasida memorandum imzolandi

O'zbekiston zamonaviy beshkurash federaciyasi 2017 yilning fevral oyida tashkil qilingan bo'lib, unda sportchilar ot sporti, qilichbozlik, o'q otish, yugurish va suzish bo'yicha bellashadi. Mazkur hamkorlik doirasida ikki mamlakat sportchilarining malakasini oshirish mexanizmlari ishlab chiqilgan bo'lib, nafaqat sportchilar, balki murabbiylar ham o'zaro tajriba almashish imkoniyatiga ega bo'lishadi. 

– Federaciya rahbari sifatida o'zimning ilk oltmish kunlik ish rejamni ishlab chiqqanman, – deydi O'zbekiston zamonaviy beshkurash federaciyasi raisi Bahromjon Gaziev. – Biz kelgusi yilda mazkur sport turini mamlakatimizda yanada ommalashtirish maqsadida Qatar va Qozog'iston beshkurash federaciyasi bilan o'zaro hamkorlik bitimini imzoladik. Bu orqali sportchilarimizning malakasi va mahoratini yanada oshirishga harakat qilyapmiz. Asosiy maqsad – Tokio 2020 Olimpiya o'yinlariga yo'llanma qo'lga kiritish va unda munosib ishtirok etish.

Eslatib o'tamiz, 11 dekabr kuni O'zbekiston zamonaviy beshkurash federaciyasi va Qatar beshkurash federaciyalari bilan ham hamkorlik to'g'risidagi memorandumni imzolagan edi.