O'zbekiston va Rossiya zamonaviy beshkurash federaciyalari o'rtasida Memorandumi imzolandi

Hujjat O'zbekiston va Rossiya zamonaviy beshkurash federaciyalari tomonidan Olimpiya harakatini rivojlantirishni qo'llab-quvvatlash, sportning axloqiy va etik qadriyatlarini asrash, sport faoliyatining barcha bosqichlarida adolatli o'yin tamoyillarini izchil qo'llashda hamkorlik qilish va har qanday ko'rinishdagi diskriminaciya, jumladan, irq, millat, jins va yoshga doir kamsitishlarni qoralashni ko'zda tutadi. 

SHuningdek federaciyalar dopingga qarshi kurash bo'yicha hamkorlik qiladi, xalqaro sport maydoni va boshqa sohalarda o'z xatti-harakatlarini muvofiqlashtiradi.

Uchrashuv davomida Vyacheslav Aminov zamonaviy beshkurash mamlakatimizda yaxshi istiqbolga ega ekanligi haqida gapirdi.

«Biz O'zbekistonni beshkurash oilamizning yangi azosi sifatida ko'rishdan xursandmiz. Biz O'ZBF raisi Bahromjon Gaziev bilan ko'plab masalalarni muhokama qildik va o'ylashimcha, beshkurash O'zbekistonda yaxshi istiqbolga ega bo'ladi. Rossiya esa ham maslahat bilan, ham amaliy jihatdan, masalan, murabbiy va sport mutaxassislari tomonidan qo'llab-quvvatlashda yordamga shay», – dedi Vyacheslav Aminov.

Bahromjon Gaziev esa beshkurash orqali O'zbekistonda boshqa Olimpiya sport turlari ham rivojlanishi haqida gapirdi.

«Rossiya – beshkurash bo'yicha jahon etakchilaridan biri. O'zbekistonda sportning bu turi endigina rivojlanmoqda. Beshkurash besh Olimpiya sport turi – suzish, qiliqchbozlik, konkur, yugurish va o'q otishdan iborat ekanligi juda muhim. Beshkurashni rivojlantirar ekanmiz, bu boshqa Olimpiya sport turlarining taraqqiyotiga ham o'ziga xos turtki bo'ladi.

Biz tashkilotlarimiz o'rtasida o'zaro uzviy do'stona aloqalar o'rnatilishiga kelishib oldik. Bu qo'shma yig'ilishlar, ikki tomonlama uchrashuvlarni o'tkazish, bizning sportchi va hakamlarimizni Rossiyada bo'lib o'tadigan musobaqa hamda seminarlarga taklif qilishda o'z aksini topadi. Vaqti kelganda esa biz ham rossiyalik beshkurashchilarni O'zbekistonga taklif qilamiz. Ishonchim komilki, Rossiya va O'zbekiston zamonaviy beshkurash federaciyalari o'rtasidagi hamkorlik uzoq muddatli va o'zaro manfaatli bo'ladi», – dedi Bahromjon Gaziev.