O'zbekiston yana ikki sportchini mahalliylashtirdi

Xalqaro zamonaviy beshkurash ittifoqi (UIPM) Ijroiya qo'mitasi o'z bayrog'i ostidagi musobaqalarda bu ikki sportchining O'zbekiston vakili sifatida ishtirok etishiga ruxsat berdi.

Bu haqda Kun.uz`ga malum qilgan O'zbekiston zamonaviy beshkurash federaciyasi vakiliga ko'ra, rossiyalik atletlarning mahalliylashtirilishi – O'zbekiston va Rossiya zamonaviy beshkurash federaciyalari o'rtasida shu yil 16 fevralda imzolangan hamkorlik memorandumi samarasidir.

Savkin va Faxrutdinova ayni paytda o'quv-mashg'ulot yig'inini o'tkazish uchun Novogorskka jo'nab ketishgan. Ular 2-8 sentyabr kunlari Budapeshtda bo'lib o'tadigan jahon chempionatiga tayyorgarlik ko'rishadi.

Malumot uchun, beshkurash olimpiya tasnifidagi beshta sport turi – suzish, qilichbozlik, konkur, yugurish va o'q uzishdan iborat. O'zbekiston zamonaviy beshkurash federaciyasi 2017 yilda tashkil etilgan.

Eslatib o'tamiz, so'nggi vaqtlarda bir nechta sport turlari bo'yicha qator xorijlik atletlar O'zbekiston terma jamoalariga jalb qilindi. So'nggi bir yilda Rossiyadan mahalliylashtirilgan velopoygachi Olga Zabelinskaya, qilichbozlar Yana Obvinceva va Yana Alborova, shuningdek, meksikalik qilichboz Paola Pliego shular jumlasidan.