O'zbekiston zamonaviy beshkurash federaciyasi Yaponiya shahri bilan hamkorlik bitimini imzoladi

Onlayn imzolangan kelishuvga binoan, Tokio-2020 Olimpiya o'yinlari yakunida sportchilar, murabbiylar va boshqa xodimlaridan iborat O'zbekiston zamonaviy beshkurash federaciyasining rasmiy delegaciyasi 3 kun davomida Xidaka shahriga tashrif buyurib, u erda turli sport va madaniy tadbirlarda ishtirok etadi. Ushbu hamkorlik dasturi bo'yicha barcha xarajatlar mezbon tomonidan qoplanadi. Tadbir davomida O'zbekiston zamonaviy beshkurash federaciyasi raisi Bahromjon Gaziev hamkorlik haqidagi fikrlarini aytib o'tdi.

«Xidaka shahri bilan hamkorlik dasturi bo'yicha muzokaralarimiz 2019 yil dekabrida boshlangan. Pandemiya to'satdan boshlangani sababli hamma narsani to'xtatishga majbur bo'lib qoldik. Baxtimizga Yaponiya hukumatining Tokio-2020 o'tkazilishiga masul vakillari bir necha oy oldin boshlangan muzokaralarni davom ettirishimizni qo'llab-quvvatladi. Bugun biz har ikki tomonning say-harakatlari bilan hamkorlik bitimini imzolaganimizni mamnuniyat bilan elon qilamiz. Bu yil Tokio Olimpiadasi paytida qatiy karantin cheklovlari qo'yilgan holda Yaponiya urf-odatlari va madaniyatiga bag'ishlangan ushbu dastur, ayniqsa, dolzarbdir”, – dedi Bahromjon Gaziev.

Eslatib o'tamiz, o'zbek sportida ilk bor Tokio Olimpiadasida zamonaviy beshkurash yo'nalishida Olimpiya o'yinlariga licenziya qo'lga kiritilgan. Bo'lajak Olimpiya o'yinlarida Aleksandr Savkin hamda Alise Faxrutdinova yurtimiz sharafini himoya qilishadi.