O'zbekiston zamonaviy beshkurash federaciyasiga yangi rais o'rinbosari saylandi

Unda tashkiliy masala ko'rildi. Konferenciyada Rahmatjon Rustamov O'zbekiston zamonaviy beshkurash federaciyasiga rais o'rinbosari etib saylandi.

Samarqand davlat chet tillar institutini tamomlagan Rahmatjon No'g'monovich 1998-1999 yillarda Oklaxoma shtati universitetida, 1999-2000 yillarda Londondagi North UK universitetida tahsil olgan. 2002 yilda Buyuk Britaniya-London Metropolitan Universitetida magistr darajasini egallagan.

2013 yildan beri u BAAning Dubay shahridagi CIF Logistics FZE logistika kompaniyasi rahbari sifatida faoliyat yuritib kelyapti.

Zamonaviy beshkurash federaciyasi raisi o'rinbosari etib saylangan R.Rustamov o'z faoliyati davomida bolalar sportini jadal rivojlantirish uchun sharoit yaratish, 2026 yilda Dakarda bo'lib o'tadigan yozgi o'smirlar Olimpiya o'yinlariga mamlakat yoshlar terma jamoasini tayyorlashni maqsad qilgan.