04 noy 18:00
Yangiliklar
Boshqalar
O'zbekistonda antidoping agentligi ochilishi mumkin
Ayni kunlarda CHexiya poytaxti Pragada bo'lib turgan O'zbekiston Milliy olimpiya qo'mitasi Bosh kotibi Oybek Kasimov Xalqaro antidoping agentiligi (WADA) Bosh direktorining o'rinbosari Rob Koexler bilan uchrashdi.
Suhbat jarayonidagi asosiy mavzu O'zbekistonda Milliy antidoping agentligini ochish masalasi bo'ldi.
Malumki joriy yilning
9-10 mart kunlari poytaxtimizga Butunjahon antidoping agentligi
(WADA)ning Milliy va Mintaqaviy antidoping tashkilotlari bilan aloqalar
bo'yicha direktor o'rinbosari Tom Mey va ushbu tashkilotlar bilan aloqa
bo'yicha menejeri Francisko Leonlar tashrif buyurishgandi. Milliy va
Mintaqaviy antidoping tashkilotlari vakillarining yurtimizga tashrifidan
ko'zlangan maqsad O'zbekiston Respublikasi Jismoniy tarbiya va sport davlat
qo'mitasi hamda Milliy olimpiya qo'mitasi rahbarlari bilan uchrashish bo'lib,
O'zbekistonda Milliy antidoping tashkilotini tuzish imkoniyatlarini muxokama
qilish edi.
So'nggi yillarda
O'zbekiston sportchilarining xalqaro maydonda erishayotgan natijalari
yuksalib borayotganini hisobga olib va ayniqsa so'nggi Olimpiya o'yinlaridagi
o'zbek sportchilarining zafarli yurishlaridan so'ng Butunjahon antidoping
agentligi (WADA) mamlakatimizda ham mustaqil Milliy antidoping
tashkilotini tuzish tashabbusi bilan chiqqan, o'z navbatida Milliy Olimpiya
qo'mitasi ushbu tashabbusni qo'llab quvvatlagan edi.
O'zbekiston Respublikasi
Prezidentining 2017 yil 9 martdagi “2020 yili Tokio shahri (Yaponiya)da
bo'lib o'tadigan XXXII yozgi Olimpiya va XVI Paralimpiya o'yinlariga
O'zbekiston sportchilarini tayyorlash to'g'risida” PQ-2821-son qarorining
Dasturida ham ushbu mavzuga alohida urg'u berilgan bo'lib, aniq va muayyan
vazifalar belgilab qo'yilgan.
Jumladan, sportda
dopingdan foydalanishga qarshi faoliyat olib borish bo'yicha dasturni amalga
oshirish; Butunjahon dopingga qarshi agentligining (antidoping) yangi qoida
va talablarini tezkor tadbiq etish hamda uzluksiz monitoringini olib
borish; doping-tekshiruv va biomateriallar topshirish procedurasi haqida
sportchilar, sport shifokorlariga malumot va tavsiyalar taqdim etgan
holda, xalqaro tajribaga muvofiq o'rganishlarga asosan, O'zbekistonda
antidoping onlayn xizmati va taqiqlangan dori-darmonlar to'g'risidagi
malumotlar bazasini yaratish; sportda foydalanishi taqiqlangan
dori-darmonlar to'g'risida seminarlar va konferenciyalar o'tkazish, sportda
dopingdan foydalanishga qarshi uslubiy qo'llanmalar ishlab chiqish kabi
masalalar ustuvor vazifa sifatida belgilangan.
Oybek Kasimov bilan
bo'lib o'tgan bugungi uchrashuv davomida janob Rob Koexler O'zbekistonda
Milliy antidoping agentligini ochish masalasida zarur amaliy yordamlarni
ayamasligi, kerak bo'lsa Toshkentga ekspertlar va mutaxassislardan iborat
kommisiya yuborishini takidlab o'tdi. O'z navbatida O'zbekiston Milliy
olimpiya qo'mitasi Bosh kotibi janob Koexlerga taklif etilayotgan yordam uchun
minnatdorchilik izxor etib, O'zbekiston bu masalada WADA da bilan
hamkorlik qilishga tayyorligini bildirdi.
Havola :
Manba : olympic.uz
Fikrlar