O'zbekistonlik 13 yoshli grossmeyster Bobbi Fisher musobaqasida 2-o'rinni egalladi

Musobaqada 34 mamlakatdan 248 nafar sportchi ishtirok etdi. To'qqiz tur natijalariga ko'ra hamyurtimiz Nodirbek Abdusattorov musobaqani mag'lubiyatsiz yakunlab, 248 nafar ishtirokchi orasida 17-o'rinni egalladi. 

SHuningdek, u 14 yoshgacha bo'lgan o'g'il bolalar o'rtasida 2-o'rinni qo'lga kiritdi. Musobaqada 1-o'rinni 9 imkoniyatdan 7,5 ochko jamg'argan hindistonlik xalqaro grossmeyster V.Adxiban, 2-3 o'rinlarni xalqaro grossmeysterlar franciyalik M.Lagarda hamda turkiyalik Mustafo Yilmazlar egalladi. 

O'zbekistonlik Nodirbek Abdusattorov taniqli sportchilar franciyalik M.Lagarda, ukrainalik Pavel Elyanov hamda amerikalik Gata Kamskiy bilan durang natijaga erishdi va jami 4 g'alaba hamda 5 durang qayd etib, 6,5 ochko jamg'ardi.

SHuningdek, kuni kecha Harpa Blitz 2018 blic yo'nalishi bo'yicha musobaqalar nihoyasiga etdi. Turnirda 15 mamlakatning 59 nafar sportchisi ishtirok etdi. To'qqiz turdan iborat blic musobaqasida Nodirbek Abdusattorov 9 imkoniyatdan 8 ochko jamg'arib, 2-o'rinni qo'lga kiritdi. 14 yoshgacha o'smirlar o'rtasida esa 1-o'rinni egalladi.