O'zbekistonlik basketbolchilar bilan Olimpiada licenziyasini qo'lga kiritish masalasi muhokama qilindi

Bu haqida MOQ matbuot xizmati xabar berdi.

Sir emaski, ushbu sport turi bo'yicha jamoamiz o'zining kuchli maktabi, ananalarini yo'qotib bormoqda. SHu bois vaziyat hozirdanoq kerakli choralarni ko'rishni talab qiladi. O'z navbatida basketbolga endi kirib kelayotgan yosh sportchilarda ham kelajakka ishonch uyg'ota olish kerak. Jismoniy tarbiya va sport vazirining birinchi o'rinbosari Ravshan Irmatov, MOQ Bosh kotibi Oybek Kasimov va tashkilotlarning boshqa mutasaddilari ham qatnashgan mazkur uchrashuvda jamoamizni Xanchjou-2022 Osiyo o'yinlarida ishtirok etishlarini taminlash, kerak bo'lsa, Parij-2024 Olimpiadasi yo'llanmasi uchun ham kurashish imkoniyatlari muhokama qilindi.

Suhbat davomida Rustam SHoabdurahmonov hukumatimiz sportni har tomonlama qo'llab-quvvatlayotganini takidlab, yosh sportchilardan o'zlariga bo'lgan ishonchni, basketbolga mehrlarini yanada kuchaytirish lozimligini aytib o'tdi. Federaciya mutasaddilari bilan esa yoshlar va kattalar o'rtasida terma jamoa tarkibini shakllantirish, mahalliy va xorijiy o'quv-mashg'ulot yig'inlarini tashkil qilish, sportchilarni ekipirovkalar bilan taminlash, mashg'ulot uchun muqim baza topish kabi istiqbolli rejalar bo'yicha fikr almashildi.