O'zbekistonlik dzyudochilar Orenburgdagi xalqaro turnirda sovrindorlar qatoridan o'rin olishdi

Ushbu musobaqada ishtirok etgan ikki nafar sportchimiz sovrindorlar qatoridan o'rin oldi.

-66kg vazn toifasida yurtimiz sharafini himoya qilgan Azamat Matyoqubov finalgacha etib bordi va kumush medal sohibiga aylandi. +100kg vazn toifasida bellashuvlarda qatnashgan Husniddin Husanov esa bronza medaliga sazovor bo'ldi. Mazkur turnir sportchilarimiz uchun Osiyo o'yinlariga tayyorgarlik vazifasini bajardi.

Eslatib o'tamiz, kecha shuningdek yoshlar va o'smirlar o'rtasidagi Osiyo chempionati yakuniga etdi va unda yosh polvonlarimiz III yozgi o'smirlar Olimpiya o'yinlari uchun muhim bo'lgan reyting ochkolarini qo'lga kiritishdi.