O'zbekistonlik futbolchidan doping topildi va bir yilga chetlatildi

2016 yilning 15 sentyabridan 2 oktyabriga qadar Hindistonda bo'lib o'tgan o'smirlar o'rtasidagi Osiyo chempionatida O'zbekiston terma jamoasi sharafini himoya qilgan Abdulhay Ismoilovning qonidan olingan doping natijalari ijobiy natija berdi.

Yani uning qonida doping aniqlangan. SHu bois OFK futbolchini bir yilga futbolga aloqador har qanday o'yinlarda maydonga tushishini taqiqlab qo'ydi.

Ismoilov o'smirlar o'rtasidagi Osiyo chempionatida ikkita o'yinda (KXDR va Iroq) maydonga tushgan edi. Futbolchi 2016 yilning 3 noyabr sanasidan 2017 yilning 2 noyabr sanasiga qadar maydonga tushmaydi.

ISMOILOV ABDULHAY AHAD O'G'LI

Tug'ilgan sanasi: 08.02.2000

Tug'ilgan joyi: Namangan shahar

Birinchi futbol maktabi: BO'SM-17 (Namangan)

Birinchi murabbiyi: Dilmurod Nizomboev

Jamoasi: “Bunyodkor”

Ampluasi: hujumchi

Raqami: 20