O'zbekistonlik ikki sportchi Kangvon-2024 qishki o'smirlar Olimpiadasida ishtirok etadi

Ahamiyatlisi, ushbu nufuzli musobaqada O'zbekiston delegaciyasi ham ishtirok etadigan bo'ldi.

Avvalroq, tog' chang'isi bo'yicha o'zbekistonlik sportchilar Samandar Asanov, Rauan Raimqulov va Sabina Rejepova Avstriya hamda Italiyadagi licenzion turnirda ishtirok etishi haqida xabar bergan edik. Quvonarlisi, sportchilarimizning barchasi Kangvon-2024 qishki o'smirlar Olimpiadasiga yo'llanma kiritdi. Ammo ushbu sport turida O'zbekiston terma jamoasiga 1+1 ko'rinishidagi kvota ajratilgani bois, murabbiylar shtabi Rauan Raimqulov hamda Sabina Rejepovani musobaqada ishtirok etish uchun tanlab oldi. Samandar Asanov esa Raimqulovga zaxira nomzodi sifatida birga mashg'ulot olib borayotgani aytilmoqda.

MOQ matbuot xizmatining xabar berishicha, bugun tunda hamyurtlarimiz Janubiy Koreyaga yo'l olishadi. Sportchilarimiz Koreya tomonidan taqdim etilgan “2018-yilgi Olimpiya o'yinlarining vorislari fondi” loyihasi asosida musobaqa boshlanguncha mashg'ulot olib boradilar.

Eslatib o'tamiz, 2020 yil Lozannada (SHveycariya) o'tgan III qishki o'smirlar o'rtasidagi Olimpiadada O'zbekiston sharafini bir nafar sportchi - Valeriya Kovaleva himoya qilgan edi.