O'zbekistonlik MMA murabbiyining shogirdi UFC'ga yo'l oldi

Gap shundaki, BAA vakili Mohammad Yahya (12-3-0) UFC ligasi bilan shartnoma imzoladi. U debyut jangini o'z yurtida, aniqrog'i, Abu-Dabi shahrida tashkil etiladigan UFC 294 turniri doirasida amerikalik Trevor Pikka (8-1-0) qarshi o'tkazadi. Jang prelim kard doirasida 3 raunddan iborat bo'ladi.

Ahamiyatlisi, Mohammad Yahya o'zbekistonlik Husan Majlimov qo'l ostida shug'ullanadi. U faoliyati davomida Bellator ligasida ham 2 ta jang o'tkazgan. Janglarining asosiy qismini mahalliy UAE Warriors ligasida o'tkazgan.

Malumot uchun, ayni paytda ko'plab o'zbekistonlik MMA jangchilari ham aynan Majlimov qo'l ostida mashg'ulot olib bormoqda. Kuni kecha uning zaliga shveciyalik taniqli UFC jangchisi Xamzat CHimaev tashrif buyurgani haqida malum qilgan edik.