O'zbekistonlik og'ir atletikachi doping tufayli 4 yilga diskvalifikaciya qilindi

"O'zbekistonlik og'ir atletikachi Abdurashitov Nurboldan musobaqa davrida olingan doping sinamasida sportda taqiqlangan “Drostanolon, Trenbolon” moddalari borligi aniqlangan.

Butunjahon antidoping kodeksining 2.1 qoidasi (Taqiqlangan modda, yoki uning metabolitlari va markerlari sportchi analizida mavjudligi)ni buzganligi sababli Butunjahon antidping kodeksining 10.2.1 bandiga asosan 4 yil muddatga diskvalifikaciya qilindi.

Malumot uchun aytib o'tmoqchimiz, diskvalifikaciya jazo muddatini o'tayotgan shaxs (sportchi, murabbiy v.x.k) diskvalifikaciya muddati tugaganga qadar xalqaro va milliy toifadagi musobaqalar va o'quv-mashg'ulot yig'inlarida ishtirok etishi taqiqlanadi. Agar yuqoridagi talablar bajarilmagan taqdirda ushbu shaxsga umrbod diskvalifikaciya muddati qo'llanilishi mumkin. SHuningdek, kodeksda sport federaciyasi yoki associaciyasiga nisbatan ham jazo chorasi qo'llash mumkinligi belgilangan", deyiladi agentlik xabarida.

Malumot uchun, sportchi yoshlar o'rtasidagi Osiyo chempionati sovrindori edi.