O'zbekistonlik poygachi Italiyadagi musobaqada muvaffaqiyat qozondi

Dam olish kunlari davomida o'tgan poyga jamoa uchun oson kechmadi. Saralash bahslaridayoq ekipaj o'z tezligini namoyish etib, poul-poziciyani egalladi va mashina yuqori o'rinlar uchun kurashishga tayyor ekanini isbotladi.

Birinchi poygada Ismoil Axmedxo'jaev muvaffaqiyatli start olib, peshqadamlar guruhida harakatlanayotgan paytda to'qnashuvga uchradi. Bu esa GT Sprint musobaqalarining naqadar murakkab va talabchan ekanini yana bir bor ko'rsatdi.

SHunga qaramay, jamoa ikkinchi poygada kuchli qaytishni amalga oshirdi. Axmedxo'jaev va Rusinov boshqaruvidagi Rossa LM GT avtomobili marra chizig'ini birinchi bo'lib kesib o'tib, g'alabani qo'lga kiritdi.

SHu tariqa, Rossa Racing jamoasi qiyin kechgan poyga haftaligini yuqori natija bilan yakunlab, o'z xarakterini yana bir bor namoyish etdi.

Malumot uchun, Ultimate Cup European Series — Evropadagi mashhur avtosport chempionatlaridan biri bo'lib, uning tarkibiga bir nechta turli seriyalar kiradi. Mudjello bosqichida Ultimate GT Sprint Cup ham musobaqa dasturidan o'rin olgan.