O'zbekistonlik shaxmatchilar jahon chempionatida

Musobaqada 8, 10 va 12 yoshli o'g'il-qizlar qatnashmoqda. Bu galgi jahon chempionatida dunyoning 34 mamlakatidan 750 nafardan ziyod o'g'il-qizlar g'oliblik uchun dona surishmoqda.

O'zbekiston shaxmat federaciyasi malumotiga ko'ra, musobaqada yurtimiz sharafini o'g'il bolalar o'rtasida Ozodbek Oybekov hamda Otabek Oybekov, qizlar o'rtasida esa FIDE ustaligiga nomzod shaxmatchilar Ruqiya Olimova hamda Afro'za Hamdamova himoya qilmoqda.

Takidlash kerak, Ruqiya Olimova o'tgan yili Minskda bo'lib o'tgan jahon chempionati bahslarida 8 yoshgacha bo'lgan qizlar o'rtasida blic yo'nalishida kumush medalga sazovor bo'lgandi. Uning jamoadoshi Afro'za Hamdamova esa blic yo'nalishida chempion, rapid yo'nalishida 2-o'rinni qo'lga kiritgan.

Eslatib o'tamiz, o'tgan yilgi 8, 10, 12 yoshli o'g'il bolalar va qizlar o'rtasida tezkor shaxmat va blic bo'yicha II Jahon chempionatida O'zbekiston terma jamoasi 5 ta oltin, 4 ta kumush medallarni qo'lga kiritgan holda 26 davlat orasida faxrli 1-o'rinni qo'lga kiritgan edi.