03 okt 15:05
Yangiliklar

Boshqalar, Osiyo o'yinlari

O'zbekistonlik yana bir taniqli bloger "Littos" ham Osiyo o'yinlarida ishtirok etadi

Xabaringiz bor, ayni kunlarda Xitoyning Xanchjou shahrida XIX yozgi Osiyo o'yinlari bo'lib o'tmoqda.

Ushbu musobaqa doirasida 6-7 oktyabr kunlari breyk-dens (raqs sport turi) bellashuvlari ham o'tkaziladi. Ahamiyatlisi, breyk-dens terma jamoamiz safida o'zbekistonlik taniqli bloger Asal "Littos" Saparbaeva ham ishtirok etishi ko'zda tutilgan.

Malumot o'rnida, Asal "Littos" Saparbaeva O'zbekiston gimnastika terma jamoasining sobiq azosi hisoblanadi. U 2010 yilgi Osiyo o'yinlarida jamoaviy yo'nalishda bronza medalini qo'lga kiritgan.

Avvalroq, yana bir taniqli bloger va strimer "Yakudza"ning kibersport terma jamoamizdan o'rin olgani haqida xabar bergan edik.