“O'zDJTSU 65 yoshda” nomli megatanlov g'oliblari taqdirlandi. Ular orasida saytimizning ikki muxbiri ham bor + FOTO

Unda “O'zbekiston davlat jismoniy tarbiya va sport universiteti 65 yoshda” nomli megatanlov g'oliblari taqdirlandi.

O'zbekiston davlat jismoniy tarbiya va sport universiteti jamoasining jismoniy tarbiya va sport, ilmu marifat hamda talim-tarbiya sohasidagi yutuqlarni keng yoritish, universitetda ko'p yillar faoliyat ko'rsatgan, ibratli hayot yo'lini bosib o'tgan fidoiy ustozlar, sportchilar to'g'risida jamoatchilikni keng tanishtirish maqsadida “O'zbekiston davlat jismoniy tarbiya va sport universiteti 65 yoshda” nomli megatanlov 2020 yilning 1 iyunidan boshlab elon qilindi.

Tanlov milliy va hududiy bosma ommaviy axborot vositalari, internet ommaviy axborot vositalari, axborot agentliklari, radio va telekompaniyalar jurnalistlari o'rtasida “Eng yaxshi jurnalistik material” hamda oliy talim muassasalarining professor-o'qituvchilari, talabalari o'rtasida “Eng yaxshi maqola” nominaciyalari bo'yicha 2020 yilning 1 iyunidan 31 avgustga qadar o'tkazildi.

- Megatanlovning ahamiyatli jihati barcha professor-o'qituvchilarini hamda talaba-yoshlarini ommaviy axborot vositalarida, internet saytlarida va  universitet saytida oliygohning tarixi va buguni aks etgan maqolalar bilan faol ishtirok etishini taminlash maqsadida tashkil etildi. Mana shu kabi tanlovlar universitetimiz tarixi va sport sohasida, talim tizimida tutgan o'rnini talaba-yoshlarga etkazibgina qolmasdan ularning o'zi talim olayotgan oliygohdan faxrlanib yurishlari uchun zamin yaratishi shubhasiz, – deydi universitetning O'quv ishlari bo'yicha prorektori I. Ahmedov. 

Ushbu tanlovning “Eng yaxshi jurnalistik material” nominaciyasiga milliy va hududiy bosma ommaviy axborot vositalari, internet ommaviy axborot vositalari, axborot agentliklari, radio va telekompaniyalar jurnalistlari tomonidan 50 dan ortiq  materiallar elektron va bosma shaklida kelib tushdi. Afsuski, koronavirus pandemiyasi sabablimi oliy talim muassasalarining professor-o'qituvchilari hamda talabalari “Eng yaxshi maqola” nominaciyasida ko'ngildagidek ishtirok etmadi.

Tadbirda Megatanlovning “Eng yaxshi jurnalistik material” nominaciyasi bo'yicha:

- O'zbekiston milliy teleradiokompaniyasi «Sport» teleradiokanali» davlat unitar korxonasi «Bolalar sporti, ommaviy sport va xalq o'yinlari» bosh muharririyatining bosh muharrir o'rinbosari Akbarali Allaev 1-darajali diplom; 

- Olamsport.com sayti muxbiri Ilhom Rahmonov 2-darajali diplom; 

- “Sport”,   “Sport+”, “O'zbekiston futboli” gazetalari bosh muharriri Mirzahakim To'xtamirzaev  va Olamsport.com sayti muxbiri Aziz To'xtamurodovlar 3-darajali diplom va esdalik sovg'alari bilan taqdirlandi.

SHuningdek, Megatanlovning oliy talim muassasalarining professor-o'qituvchilari hamda talabalari o'rtasida o'tkazilgan “Eng yaxshi maqola” nominaciyasi bo'yicha faol ishtirok etgan CHirchiq davlat pedagogika instituti katta o'qituvchisi Lutfullo Axatov va Ajiniyoz nomidagi NukusDPI, Jismoniy madaniyat fakulteti, Xotin-qizlar sporti yo'nalishining 3-bosqich talabasi Dildora Qurbonovalarga universitetning tashakurnomasi taqdim etildi.