O'zDJTSU bitiruvchilari avgust oyi yakuniga qadar to'liq ish bilan taminlanadi

Yig'ilishda asosiy masala O'zbekiston davlat jismoniy tarbiya va sport universiteti bitiruvchilarini ish taqsimotiga qaratildi.

2019-2020 o'quv yilida O'zbekiston davlat jismoniy tarbiya va sport universitetini jami 663 nafar talabalar turli yo'nalishlar bo'yicha tamomlagan bo'lib, mazkur bitiruvchilarning 619 nafari bakalavr hamda 44 nafari magistratura bosqichi talabalariga to'g'ri keladi.

Hozirgi vaqtda, mazkur oliygohni tamomlab vazirlik va idoralar, korxona va tashkilotlar hamda sport maktablari bilan uch tomonlama shartnoma imzolagan bitiruvchilar soni 563 nafarni tashkil etmoqda. SHundan, 302 nafari bolalar-o'smirlar sport maktabi, 16 nafari ixtisoslashtirilgan bolalar-o'smirlar sport maktabi, 43 nafari ixtisoslashtirilgan olimpiya zaxiralari maktab-internati hamda 202 nafari boshqa vazirlik va idoralar tizim tashkilotlariga to'g'ri kelmoqda.

Yig'ilish davomida ishga joylashmagan bitiruvchilar ro'yxati shakllantirilib, hududiy boshqarmalarga taqdim etildi hamda universitetni tamomlab ishsiz yurganlarni to'liq ish bilan taminlash vazifalari yuklatildi.

Yig'ilish yakunida O'zbekiston davlat jismoniy tarbiya va sport universiteti bitiruvchilarini ish bilan taminlanganlik darajasini joriy yilning 15 avgustiga qadar 100 foizga bajarishga kelishib olindi.