O'zDJTSU talabalarining otalariga ehtirom ko'rsatildi + FOTO

Dastlab, respublikamizning turli hududlaridan tashrif buyurgan 200 nafardan  ortiq ota-onalarga oliygohda ularning farzandlari talim olishi hamda yashashi uchun yaratilgan sharoitlar bilan yaqindan tanishish maqsadida universitet hududi bo'ylab kichik ekskursiya tashkil etildi. 

Tabiiyki, ota-onalar talabalarga yaratilgan sharoit va o'quv jarayonlarining samarali olib borilishini ko'rib, bundan mamnun bo'lishdi.

SHundan so'ng, otalarga bag'ishlangan tadbir boshlanib, uni fakultet dekani Azizxon Tillyaxodjaev, Yoshlar bilan ishlash manaviyat va marifat bo'limi boshlig'i R.Babajanovlar ochib berdi. 

Tadbir davomida esa talaba-yoshlar tomonidan maromiga etkazib tayyorlangan sahna ko'rinishlari, ifodali o'qilgan sherlar va o'ziga xos tarzda ijro etilgan kuy-qo'shiqlar, jozibador raqslar barchada yorqin taassurot qoldirdi.

Yakunda universitet rahbariyati tomonidan shunday namunali, iqtidorli hamda tashkilotchi farzandlarni voyaga etkazgani uchun barcha otalaru onalarga tashakkurnoma va esdalik sovg'alari topshirildi.