O'zDJTSU: Universitetning xalqaro aloqalari yana bittaga ortdi

Tashrifning asosiy maqsadi O'zbekiston Respublikasi Prezidenti SH.M.Mirziyoevning 2019 yil 8 noyabrdagi “O'zbekiston Respublikasi oliy talim tizimini 2030 yilgacha rivojlantirish koncepciyasini tasdiqlash to'g'risida”gi Farmoni hamda 2022 yil 3 noyabrdagi “Jismoniy tarbiya va sport sohasida kadrlarni tayyorlash hamda ilmiy tadqiqotlar tizimini yanada takomillashtirish chora-tadbirlari to'g'risida”gi Qarorida belgilangan bir qancha ustuvor vazifalar ijrosini taminlash hamda universitetning  xalqaro aloqalarini yangi bosqichga olib chiqish hisoblanadi.

Dastlab Koreya Milliy sport universiteti Prezidenti boshchiligidagi delegaciya vakillari va O'zbekiston davlat jismoniy tarbiya va sport universiteti rahbariyati o'rtasida uchrashuv tashkil etildi.

Unda Koreya Milliy sport universiteti Prezidenti janob Yongkyu Ahn va uning rafiqasi Kim Mira xonim, universitet dekani Xil Eun Bae, O'zbekiston davlat jismoniy tarbiya va sport universiteti rektori, professor Maxmudjon Boltabaev, universitet professori Baek Mun Jong, prorektorlar, fakultet dekanlari, kafedra mudirlari OAV vakillari hamda yozgi olimpiya o'yinlari chempionlari Akbar Jo'raev, Ruslan Nuridinovlar ishtirok etishdi. 

Uchrashuv davomida jismoniy tarbiya va sport sohasida ilm-fan va amaliyotni integraciya qilish, xalqaro hamkorlik aloqalarini rivojlantirish, kelajakda o'quv-mashg'ulotlarni ilmiy asosda tashkil qilish va murabbiylar malakasini oshirish hamda talabalar va xodimlar almashinuvi kabi dolzarb masalalarda fikr-mulohazalar bildirildi. O'z navbatida ikki tomon vakillari o'zlarini qiziqtirgan savollariga atroflicha javob olishdi.

SHundan so'ng, O'zbekiston davlat jismoniy tarbiya va sport universiteti hamda Koreya Milliy sport universiteti o'rtasida xalqaro munosabatlarni o'rnatish bo'yicha hamkorlik Memorandumi imzolandi.

Tashrif yakunida faxrli mehmonlar universitet rahbariyati boshchiligida oliygoh hududidagi mavjud sport inshootlari, professor-o'qituvchilar va talabalar uchun yaratilgan shart-sharoitlar bilan yaqindan tanishishdi.

Eslatib o'tamiz, Koreya Milliy sport universiteti Prezidenti boshchiligidagi delegaciyaning O'zbekistondagi tashrifi Samarqand viloyatidagi diqqatga sazovor joylarini borib ko'rish bilan hali davom etadi.

Ilhom RAHMONOV tayyorladi