O'zDJTSU xabarlari: Sportchi-talabalar “Mohir oshpaz”chempionatida bellashishdi FOTOREPORTAJ

O'zbekiston davlat jismoniy tarbiya va sport universitetining Sportni boshqarish va turizm fakulteti tashabbusi bilan “Yashil makon” umummiliy loyihasi doirasida universitet eko olamini yanada yaxshilashga hissa qo'shish maqsadida 150 tup manzarali, 100 tup mevali ko'chatlar ekishdi.

SHuningdek, ko'chat ekish doirasida fakultetning barcha yo'nalish talabalari ishtirokida o'ziga xos tarzda “Mohir oshpaz”tanlovi ham tashkil etildi.

Ilk bor tashkil etilgan “Mohir oshpaz” tanlovida talabalar tomonidan 20 dan ortiq qozonlarda palov tayyorlanib, bahoriy taomlar bilan bezatilgan dasturxonlarga tortiq qilindi. Eng mazali osh tayyorlagan sportchi-talabalar fakultet rahbariyati tomonidan munosib taqdirlanishdi.

O'zDJTSU  talabalari o'rtasida badminton bo'yicha “Badminton ligasi” nomli  bellashuvlar tashkil etildi. Mazkur musobaqa universitetning Badminton, tennis nazariyasi va uslubiyati kafedrasi, universitet sport klubi hamda Tadbirkorlar va ishbilarmonlar harakati - O'zbekiston Liberal-demokratik partiyasi (O'zLiDeP) CHirchiq shahar Kengashi bilan hamkorligida bo'lib o'tdi.

Ikki kun davomidagi qizg'in bellashuvlarning yakuniy natijalariga ko'ra, o'g'il bolalar o'rtasida uchinchi bosqich talabasi Abdulla Abdullaev barcha raqiblarini ortda qoldirib, faxrli birinchi o'rinni qo'lga kiritdi. Qizlar o'rtasidagi bahslarda esa ikkinchi bosqich talabasi O'g'iloy Temirovaga teng keladigan raqiba topilmadi.

G'olib va sovrindor badmintonchilar diplom, medal va esdalik sovg'alari bilan mukofotlanishdi.

Ilhom RAHMONOV tayyorladi