O'zDJTSUda press-tur tashkil etildi FOTOGALEREYA

Ushbu tadbir O'zbekiston Respublikasi Prezidentining “Sog'lom turmush tarzini keng tatbiq etish va ommaviy sportni yanada rivojlantirish chora-tadbirlari to'g'risida”gi Farmoni ijrosini taminlash maqsadida o'tkazildi. 

Unda jurnalist va blogerlar dastlab, universitet madaniyat saroyida joylashgan ARM, o'quv xonalari, sport zallarida professor-o'qituvchilar va talabalar uchun yaratilgan shart-sharoitlar hamda universitet faoliyati bilan tanishishdi. 

Press-tur davomida boks, kurash, belbog'li kurash, gimnastika, dzyudo, taekvondo, karate sport turlari bo'yicha pedagogik mahorat darslarida Olimpiada o'yinlari, Osiyo va jahon chempionatlarining sovrindorlari ishtirokida ko'rgazmali chiqish va master-klasslar o'tkazildi. 

SHuningdek, tadbir doirasida jurnalistlar, blogerlar hamda universitet rahbariyati bilan uchrashuv bo'lib o'tdi. Unda jurnalist va blogerlar o'zlarini qiziqtirgan savollari bilan murojaat qildi hamda ularga atroflicha javoblar olishdi. 

Yig'ilish davomida universitet va «Sport» telekanali o'rtasida o'zaro hamkorlik memorandumiimzolandi. Uchrashuv yakunida universitet rahbariyatiga berilgan eng yaxshi savol egalariga rektorning maxsus sovg'alari topshirildi.

SHundan so'ng, stol tennisi bo'yicha “Rektor kubogi”ga startberildi. Musobaqada 40 ga yaqin jurnalist va blogerlar ishtirok etishdi. Qiziqarli va murosasiz bellashuvlarning erkaklar o'rtasidagi musobaqasida  1-o'rin «Sport» telekanali jurnalisti Sanjar Muhammadxonov, 2-o'rin «Sport» telekanali jurnalisti Sardor Rahimov, 3-o'rinni esa Telemarkaz xodimi Abbosjon Murodjonovlar egalladi. 

Ayollar o'rtasida 1-o'rin «Sport» telekanali jurnalisti Malika Ermatova, 2-o'rin Sirdaryo viloyati Sportni rivojlantirish bosh boshqarmasi matbuot kotibi Sayyora Irsqulova, 3-o'rinni “Dunyo bo'ylab” telekanali jurnalisti Ozoda To'raqulova egalladi. Bellashuvlar yakunlangach, g'olib va sovrindorlar esdalik sovg'alari bilan taqdirlanishdi.

Ilhom RAHMONOV tayyorladi, o'z muxbirimiz