O'zDJTSUda yangi o'quv yili boshlandi FOTOGALEREYA

Universitet rahbariyati, O'zbekiston Respublikasi sport vazirligi masullari, CHirchiq shahar hokimligi va jamoatchilik vakillari, faxriy ustozlar, professor-o'qituvchilar, taniqli sportchi-talabalar hamda ularning ota-onalari ishtirok etgan tadbirda takidlanganidek, Parij shahrida bo'lib o'tgan 33-yozgi Olimpiya o'yinlarida sportchilarimiz qo'lga kiritgan tarixiy g'alabalarni alohida qayd etish zarur. 

Cakkizta oltin, 2 ta kumush, 3 ta bronza medalini qo'lga kiritib, umumjamoa hisobida 13-o'rinni egallashida sport universiteti talaba-sportchilarining, murabbiylarning alohida o'rni borligi, O'zbekiston davlat jismoniy tarbiya va sport universitetining o'qituvchi-murabbiylari va talabalari xususan, universitet sobiq talabasi, boks bo'yicha O'zbekiston milliy terma jamoasi azolari Bahodir Jalolov, Asadxo'ja Mo'ydinxo'jaev, Abdumalik Xaloqov, Diyora Keldiyorova, Muzaffarbek To'raboev, murabbiy Farrux Qilichevning kamolotga erishishida ushbu dargohning o'rni beqiyosligi aytib o'tildi.

SHuningdek, universitet talaba-yoshlari uchun zarur shart-sharoitlar yaratilganligi, 2156 o'ringa mo'ljallangan talablar turar joyi, madaniyat saroyi, turli sport mashg'ulotlariga mo'ljallangan majmualar yoshlar ixtiyoriga topshirilganligi o'quv yili mazmunli o'tishidan dalolatligi, bu, davlatimiz tomonidan yoshlarga ko'rsatilayotgan g'amxo'rlik ekanligi bildirildi.

CHirchiq shahar hokimi M. Abdurahimov, O'zbekiston davlat jismoniy tarbiya va sport universiteti rektori, professor R. Matkarimov va boshqalar yangi o'quv yilida talaba-yoshlarni chuqur bilimga, sport ko'nikmalariga ega bo'lish asnosida o'z mutaxassisliklari bo'yicha malakali mutaxassis bo'lib etishib chiqishi hamda kelgusidagi faoliyatida ulkan yutuqlar yor bo'lishini tilashdi. 

Tadbir davomida universitetda uzoq yillar samarali mehnat qilgan va doimiy izlanishda bo'lgan bir qator professor-o'qituvchilar hamda murabbiylarga ilmiy daraja va unvonlar topshirildi.