O'zini hurmat qilgan bokschi buncha ifloslikdan keyin faoliyatini davom ettirolmaydi - qozog'istonlik jahon chempioni karerasini yakunladi

Boks bo'yicha Qozog'iston terma jamoasi vakilasi Nadejda Ryabec 23 yoshida faoliyatini yakunlaganini malum qildi.

«Faoliyatimni tugatdim... Ha, men haqiqatan ham bu masalani bir muddat chetga surib qo'ydim, hayotimning eng yaxshi yillarini yo'qotishni xohlamayman. Men bu hayotni shu erda va hozir yaqinlarimning yonida yashashni xohlayman.

2023 yil men uchun hal qiluvchi yil bo'ldi. Menga sport bilan xayrlashish qiyin edi. Bunga sportchiga bo'lgan dahshatli munosabat, buzish juda qiyin bo'lgan ushbu tizim ichidagi tartibsizlik tasir ko'rsatdi.

Hozirgi boshqaruv mening 8 yillik professional faoliyatimdagi eng yomoni.

Bir qizni jamoadan chiqarib yuborishdi. Yana biri fuqaroligini o'zgartirdi va boshqa mamlakat nomini himoya qilmoqda, lekin men shunchaki ketishga qaror qildim va ular menga bu ishni amalga oshirishimda «ko'maklashishdi». Hech bir o'zini hurmat qiladigan sportchi buncha ifloslikdan keyin faoliyatini davom ettirmaydi.

Hozir men kundan-kunga rivojlanib, hayotimni yaxshilayapman.

Balki tartib bo'lganda sportga qaytarman», - dedi Nadejda.

Eslatib o'tamiz, 23 yoshli Nadejda Ryabec uch karra Qozog'iston chempioni, shuningdek, o'smirlar o'rtasida jahon chempioni hisoblanadi. Bundan tashqari, u 2018 yilda o'smirlar Olimpiya o'yinlarida bronza medalini qo'lga kiritgan.