Para dzyudochimiz Hosiyat Poziljonova taqdirlandi

Ushbu musobaqada O'zbekiston terma jamoasi ham muvaffaqiyatli tarzda ishtirok etib, 2 ta oltin, 2 ta kumush, 2 ta bronza medalini qo'lga kiritgandi. SHohsupaga ko'tarilganlar orasida andijonlik Hosiyat Poziljonova ham bor edi. J1 yo'nalishining -57 kg vazn toifasidagi bellashuvlarida tatamiga chiqqan Poziljonova bronza medaliga sazovor bo'ldi. 

Muborak Ramazon kunlari Sardorbek Rahmonov boshchiligidagi Andijon viloyat dzyudo federaciyasi mutasaddilari 1-Bolalar va o'smirlar sport maktabi tarbiyalanuvchisi hisoblangan Hosiyat Poziljonovaning xonadonida bo'lishdi hamda sovg'a sifatida avtomat kir yuvish mashinasi taqdim etildi.  

Malumot uchun, Hosiyat Poziljonova musobaqaga SHokirjon Isamutdinov murabbiyligida tayyorgarlik ko'radi.