Para engil atletikachilarimiz yorug' yuz bilan Vatanga qaytishdi FOTOREPORTAJ

Hafta qahramonlari Islom Karimov nomidagi Toshkent xalqaro aeroportida Yoshlar siyosati va sport vaziri o'rinbosari SHahrullo Mahmudov, Osiyo Paralimpiya qo'mitasi vice-prezidenti, O'zbekiston Milliy paralimpiya qo'mitasi raisi Muxtorxon Tashxodjaev, qo'mita mutasaddilari, ommaviy axborot vositalari xodimlari, ota-onalar hamda keng jamoatchilik vakillari tomonidan tantanali kutib olindi.

Dunyoning 103 ta mamlakatidan 1206 nafar para atlet ishtirok etgan bu galgi dunyo birinchiligi terma jamoamiz azolari uchun muvaffaqiyatli kechdi. Matonatli paralimpiyachilarimiz ushbu musobaqada 6 ta oltin, 7 ta kumush va 4 ta bronza, jami 17 ta medal qo'lga kiritgan holda umumjamoa hisobida sayyoramizda 8-o'rinni egallashdi.

Taqqoslash uchun, para atletlarimiz 2019 yilda BAAda o'tkazilgan jahon chempionatida 4 ta oltin, 2 ta kumush va 2 ta bronza, jami 8 ta medal qo'lga kiritishgan edi.

Yana bir etiborli jihati, bu galgi jahon chempionatida 5 nafar sportchimiz - Doniyor Saliev, Izzat Turg'unov va Asila Mirzayorova uzunlikka sakrash bahslarida, yadro uloqtirishda Bobur Omonov, nayza uloqtirishda esa Nurxon Qurbonova jahon rekordini yangilashdi. Bundan tashqari terma jamoaning ko'plab sportchilari o'z shaxsiy rekordlarini ham aynan Parijdagi jahon chempionatida o'rnatishdi.

Eng muhimi, 19 nafar para atletimiz kelgusi yil aynan Parij shahrida bo'ladigan XVII yozgi Paralimpiya o'yinlariga to'g'ridan-to'g'ri licenziyani ham qo'lga kiritdi.