Para taekvondo. Bobur Qo'ziev dunyoning eng yaxshi murabbiyi deb topildi!

Yilning so'nggi yirik musobaqasi yakunida eng yaxshilar ham etirof etildi. Quvonarlisi, para taekvondo bo'yicha terma jamoamiz murabbiyi Bobur Qo'ziev Butunjahon taekvondo federaciyasi tomonidan 102 ta davlat orasida “Yilning eng yaxshi murabbiyi” nominaciyasida g'olib deb topildi va maxsus kubok bilan taqdirlandi.

Takidlash kerakki, yakuniy 3 ta nomzod orasida hamyurtimizdan tashqari Braziliya va Meksika terma jamoalari murabbiylari ham joy olgan edi. 

Malumot uchun, O'zbekiston para taekvondo terma jamoasi azolari joriy 2022 yilda 10 ga yaqin nufuzli xalqaro musobaqalarda ishtirok etdi va ularda 12 ta oltin, 11 ta kumush va 15 ta bronza, jami 38 ta medalga sazovar bo'lishdi.