Paradzyudo. Saidov - jahon chempioni, yana uch sportchimizda bronza! FOTO

Jahon chempionatida O'zbekiston terma jamoasi paradzyudochilari ham to'liq tarkib bilan ishtirok etyapti. Kecha musobaqaning ilk kuni to'rt nafar hamyurtimiz g'olib va sovrindorlar safidan joy oldi. 

-73 kg vazn toifasida yurtimiz sport sharafini himoya qilgan Feruz Saidov barcha raqiblarini mag'lubiyatga uchratib, jahon chempioniga aylandi. Saidov finalga qadar xitoylik Pugi Vu, litvalik Osvaldas Bareykis, rossiyalik Vasiliy Kutuevdan ustun keldi. Oltin medal uchun kechgan bahsda esa koreyalik Syong Jun Yangni mag'lub etdi. 

-66 kg vazn toifasidagi vakilimiz O'tkirjon Nig'matov bronza medaliga sazovor bo'ldi. Yarim finalga qadar etib kelgan hamyurtimiz ozarbayjonlik bo'lajak jahon chempioni Bayram Mustafoevga imkoniyatni boy berdi. Bronza medali uchun bahsda esa ukrainalik David Xoravadan ustun keldi. 

SHuningdek, terma jamoamiz azolaridan SHerzod Namozov (60-kg), Parvina Samandarova (-57 kg) bronza medaliga sazovor bo'lishdi. Bugun qolgan vazn toifasidagi dzyudochilarimiz tatamiga chiqishadi.