Paralimpiya. 8ta oltin, umumiy 31ta medal bilan 15-o'rindamiz!

Xabar berganimizdek, shu kuni terma jamoamiz hisobidagi medallar soni yana bittaga ko'paydi. Aniqrog'i, Paralimpiya o'yinlari g'olibi bo'lgan atletlarimiz soni 8 nafarga etdi.

Ayni paytga kelib, O'zbekiston Paralimpiya terma jamoasi hisobida 8ta oltin, 6ta kumush, 17ta bronza, jami 30ta medal bor. Ushbu natijasi evaziga terma jamoamiz umumjamoa hisobida 16-o'rindan 15-pog'onaga ko'tarildi.

Bizdan avvalgi o'rinda borayotgan Kanada va Ispaniya terma jamoalari hisobida ham 8tadan oltin medal bor. Bir yuz beshta oltin, 81ta kumush, 51ta bronza, jami 237ta medal jamg'argan Xitoy terma jamoasi hamon katta farq bilan peshqadamlikni davom ettirmoqda.

Ikkinchi pog'onadagi Buyuk Britaniya Paralimpiya terma jamoasi hisobida jami 147ta medal bor. SHulardan 64tasi oltin, 39tasi kumush, 44tasi bronza medalidir. Kuchli uchlikka Ukraina terma jamoasi 41ta oltin, 37ta kumush, 39ta bronza medali bilan yakun yasagan.