Paralimpiya o'yinlarida zafar quchganlar bilan uchrashuv o'tkazildi + FOTO

Paralimpiya o'yinlari chempioni, universitet bitiruvchisi Tolliboy Yo'ldoshev, sovrindor Kubaro Hakimova, universitetning Engil atletika, biatlon nazariyasi va uslubiyati kafedrasi docenti, engil atletika bo'yicha O'zbekiston milliy paralimpiya terma jamoasi murabbiyi Ibroximjon Yusupov, murabbiylar Sardor Abduholiqov, Yahyobek Yakubov hamda ularning ota-onalari oliygoh o'qituvchilari, talabalari bilan muloqot chog'ida Parijda o'tgan yozgi Paralimpiya o'yinlaridagi taassurotlar, kuni kecha davlatimiz rahbari qabulida bo'lgan hayajonli daqiqalar haqida so'zlab berishdi.

Suhbat davomida O'zbekiston davlat jismoniy tarbiya va sport universiteti rektori Rashid Matkarimov Paralimpiya o'yinlarida o'zining azmu shijoati va mahorati, mustahkam iroda va jasoratini namoyon etib, Vatanimiz tarixida mislsiz natijalarga erishgan terma jamoamiz azolari qatorida universitet bitiruvchi talabalari borligi oliygohdagi barchaga katta g'urur va iftixor bag'ishlashi, shu bilan birga mamlakatimizda jismoniy tarbiya va sportni rivojlantirish, malakali kadrlarni tayyorlash, sport ilmini yuksaltirish hamda sog'lom turmush tarzini targ'ib qilishda universitetning ahamiyati ulkan ekanligini, yozgi Paralimpiya o'yinlarida g'olib va sovrindor bo'lgan sportchilar hamda talaba-sportchilarning qo'shma mashg'ulotlarini tashkil etish, master-klasslar o'tkazish to'g'risida fikr-mulohazalar bildirildi.