Paralimpiya. Yana 6ta medal, umumiy medallarimiz soni 30taga etdi

SHu kuni terma jamoamiz jami 6ta medalni qo'lga kiritdi. Ulardan bittasi oltin, 2tasi kumush, 3tasi bronza medalidir. Ayni paytga kelib, O'zbekiston Paralimpiya terma jamoasi hisobida 7ta oltin, 6ta kumush, 17ta bronza, jami 30ta medal bor. Ushbu natijasi evaziga terma jamoamiz umumjamoa hisobida 12-o'rinni egallab turibdi. Bizdan avvalgi o'rinda borayotgan Italiya terma jamoasida ham 7ta oltin medal bor.

Etmish beshta oltin, 58ta kumush, 39ta bronza, jami 172ta medal jamg'argan Xitoy terma jamoasi hamon katta farq bilan peshqadamlikni davom ettirmoqda. Ikkinchi pog'onadagi Buyuk Britaniya Paralimpiya terma jamoasi hisobida jami 95ta medal bor. SHulardan 43tasi oltin, 24tasi kumush, 28tasi bronza medalidir. Kuchli uchlikka Ukraina terma jamoasi 31ta oltin, 23ta kumush, 27ta bronza medali bilan yakun yasagan.