Paralimpiyachilarimiz Jakartaga etib borishdi

Kecha O'zbekiston sport delegaciyasining katta qismi Paraosiyo o'yinlari o'tkaziladigan Jakarta shahriga etib bordi. 

Ularni mahalliy «Soekarno Hatta» xalqaro aeroportida O'zbekiston Respublikasining Indoneziyadagi favqulotda va muxtor elchisi Ulug'bek Ro'ziqulov, O'zbekiston Milliy Paralimpiya Associaciyasi ishchi guruhi azolari, Jakartada istiqomat qilayotgan bir guruh vatandoshlarimiz, shuningdek, tashkiliy qo'mita tomonidan O'zbekiston sport delegaciyasi uchun biriktirilgan ko'ngillilar kutib olishdi.

Sportchi va murabbiylarimiz aeroportdan to'g'ri Kemayoran dahasidagi Paralimpiya shaharchasiga yo'l olishdi. Ular Paraosiyo o'yinlari davomida aynan shu erda istiqomat qilishadi. Mazkur o'yinlarda sportchilarimiz paralimpiya sportining dzyudo, suzish, engil atletika, o'q otish va pauerlifting turlarida yurtimiz sharafini himoya qiladilar.

Malumot uchun, 6 oktyabr kuni soat 18:08da (Toshkent vaqti bilan 16:08) Jakartadagi «Gelora Bung Karno Stadium»da musobaqaning tantanali ochilish marosimi bo'lib o'tadi. 7 oktyabrdan esa asosiy musobaqalarga start beriladi.