So’nggi yangiliklar

18:48"Уни нафақага кузатаман" - Пэдди Пимблетт Топурия билан жанг қилишни истамоқда 0 18:19"Мен Умар ва Усманнинг катта мухлиси эдим..." - Саба Лазишвили 0 17:40"Учрашиб, ҳаммасини муҳокама қилишимиз мумкин". Мераб Двалишвили Ислам Махачевга мурожаат қилди 0 17:17Абдуқодир Ҳусановнинг нархи Саудия Арабистони терма жамоасининг барча футболчилари қийматидан юқори 0 16:48Махачқалъада самбо бўйича Россия чемпионати совриндори отиб кетилди. Нималар маълум? 0 16:19Мераб Двалишвили: «Усман ва Умар эркак эмас» 0 15:45Асламжон Ортиқов чемпионлик реванши олдидан ўтган жангдаги хатосини эслади 0 15:17Почеттино АҚШ терма жамоаси ярим ҳимоячисини "Манчестер Юнайтед"га олиб келмоқчи 0 14:46Олти ой ўрнига олти кун! Нурмагомедовларни қамоқдан Хабиб қутқариб қолдими? 0 14:15Ўзбекистонда велоспорт билан шуғулланувчилар сони 2030 йилгача 30 мингга етказилади 0 13:44Муҳиддин Мамажонов Қозоғистонда жанг қилади + ПОСТЕР 0 13:13"Нефтчи" – "Ал Ҳилол" учрашувини бошқарадиган ҳакам маълум бўлди 0 12:42Расман: БАА ҳукумати Усман Нурмагомедов иши бўйича ўз қарорини эълон қилди 0 12:11Жаҳон бокси юлдузлари Тошкентда жанг қилади + ПОСТЕР 0 11:40Дана Уайт мағлубияти йўқ гиёҳванд UFC жангчиси ҳақида гапирди 0

19 sen 11:14
Yangiliklar

Osiyo o'yinlari

Paralimpiyachilarimiz Paraosiyo o'yinlariga kuzatildi FOTO

Xabaringiz bor, 18 avgust – 2 sentyabr kunlari Indoneziya Osiyo o'yinlariga mezbonlik qildi.

Ananaga ko'ra, musobaqa nihoyasiga etgach, oradan bir qancha vaqt o'tib Paraosiyo o'yinlari bo'lib o'tadi. Bu yilgi Paraosiyo o'yinlari 6-13 oktyabr kunlari o'tkaziladi. O'yinlarda o'zbekistonlik paralimpiyachilar ham ishtirok etishlari rejalashtirilmoqda.

O'zbekiston Milliy Paralimpiya associaciyasida Indoneziyadagi Paraosiyo o'yinlariga rasmiy kuzatish marosimi bo'lib o'tdi.

Tadbirda O'zbekiston Milliy olimpiya qo'mitasi hamda Paralimpiya associaciyasi rahbariyati, yaqinlashib kelayotgan o'yinlarda ishtirok etuvchi sportchilarimiz va ularning murabbiylari hamda ommaviy axborot vositasi xodimlari ishtirok etishdi.

Milliy olimpiya qo'mitasi rahbari Umid Ahmadjonov so'zga chiqar ekan, Osiyo o'yinlarida muvaffaqiyatli ishtirok etish navbati paralimpiyachilarimizga kelgani haqida gapirdi:

«Vaqt juda ham tez o'tyapti. Yaqindagina paralimpiyachilarimizning Rio Olimpiadasidagi munosib ishtiroklarini katta shodiyona bilan qarshi olgandik. Endi esa boshqa bir katta musobaqa — Osiyo Olimpiadasida vatanimiz sharafini himoya qilishga tayyorgarlik ko'rmoqdamiz.

Barchangiz guvohi bo'lganingizdek, Jakarta mezbonlik qilgan Osiyo o'yinlarida sportchilarimiz yurtimiz sharafini munosib himoya qilib, tarixiy natija qayd etishdi. Prezidentimiz SHavkat Miromonovich Mirziyoev talablari bilan sportda katta o'zgarishlar bo'lgani Jakartdagi musobaqada o'z isbotini topdi. O'zbekiston terma jamoasining qitamizda beshinchi bo'lishi hamda tarixda ilk bor yigirmadan ziyod oltin medalning qo'lga kiritilishida katta mehnat va mashaqqat yotibdi. Barchangiz ko'rdingiz, vatandoshlarimiz umumiy hisobda 70 ta medalni qo'lga kiritib, haqiqiy qahramonlik ko'rsatishdi.

Endi esa navbat sizniki. Xuddi Rio Olimpiadasida bo'lgani kabi, bu safar ham mamlakatimiz paralimpiyachilari o'zlarining nimalarga qodir ekanliklarini ko'rsatib qo'yishlariga ishonamiz. Musobaqa davomida xalqimiz ishonchi va Prezidentimiz madadi doim sizlar bilan bo'ladi. Umid qilamizki, yana bir necha kundan so'ng barchangizni Toshkent xalqaro aeroportida katta shodiyona bilan kutib olamiz. Biz sizga doimgidek ishonamiz! Bo'sh kelmang, azamatlar!», – dedi Umid Ahmadjonov.

Tadbir davomida O'zbekiston Respublikasi davlat bayrog'ini MOQ Prezidenti va O'zbekiston Paralimpiya associaciyasining birinchi vice-prezidenti Umid Ahmadjonov terma jamoamiz azosi Husniddin Norbekovga tantanali ravishda topshirdi.

Yakunda paralimpiyachilarning kuchiga-kuch, g'ayratiga-g'ayrat qo'shish maqsadida xonanda Lola tomonidan ishlangan yangi «Bir jamoa» videoklipi namoyish etildi. Bungacha Milliy olimpiya qo'mitasida ushbu klipning taqdimot marosimi o'tkazilgandi.

Eslatib o'tamiz, III Paraosiyo o'yinlarida O'zbekiston terma jamoasi tarixda ilk marotaba 54 nafar sportchi bilan ishtirok etadi. Hamyurtlarimiz sportning beshta turi: pauerlifting, dzyudo, o'q otish, suzish va engil atletika bo'yicha bahslarda o'z omadlarini sinab ko'rishadi. Bu safar II Paraosiyo o'yinlariga qaraganda ikki barobar ko'p sportchi bilan ishtirok etamiz. Taqqoslash uchun to'rt yil oldin Incheondagi o'yinlarda 27 nafar paralimpiyachimiz yurtimiz sharafini himoya qilgandi.

Suratlar muallifi - Abdullo Fayzullaev

Reyting:    

Fikrlar

< so’nggi yangiliklarni ko’rish

Olamsport ni Facebook da o’qish
uchun "Yoqdi"ni bosing