Paraosiyo o'yinlari. 21ta medal bilan umumjamoa hisobida 3-o'rindamiz!

Musobaqaning navbatdagi kunidan so'ng O'zbekiston milliy paralimpiya terma jamoasi 42 davlatdan kelgan 6000dan ziyod sportchilar orasida umumjamoa hisobida 3-o'rinni egallab turibdi. 

Sportchilarimiz 4ta sport turidan munosib ishtirok etib, bitta jahon rekordi va 3ta Paraosiyo o'yinlari rekordini yangilashga muvaffaq bo'lishdi. 

Hamyurtlarimiz quyidagi natijalarga erishishdi:

1. Engil atletika sport turi bo'yicha O'zbekiston milliy paralimpiya terma jamoasi 6ta oltin va 1ta bronza medaliniqo'lga kiritishdi. Husniddin Norbekov tomonidan jahon rekordi o'rnatildi.

2. Dzyudochilarimiz tomonidan 2ta oltin, 1ta kumush va 1ta bronza medali qo'lga kiritildi.

3. Pauerlifting sport turi bo'yicha paralimpiyachilarimiz ilk bor ishtirok etishiyapti va ulardan Roza Kuzieva Paraosiyo o'yinlari rekordini o'rnatib, oltin medalga sazovor bo'ldi.

4. Suzish bo'yicha terma jamoamiz ham yuqori natijalarni qo'lga kiritdi. Ular 2ta oltin, 2ta kumush hamda 1ta bronza medaliga sazovor bo'lishdi. SHuningdek, 2ta Osiyo rekordini ham yangilashdi. 

O'zbekiston terma jamoasi bugungi bahslar oldidan 13ta oltin, 5ta kumush, 3ta bronza, jami 21ta medal bilan uchinchi o'rinni egallab turibdi. Ikkinchi pog'onadan joy olgan Janubiy Koreya terma jamoasi bizga nisbatan bitta ko'p oltin medalga ega.