Paraosiyo o'yinlari. Jakartada O'zbekiston bayrog'i ko'tarildi

O'zbekiston sport delegaciyasi musobaqa o'tkaziladigan mamlakatga katta tayyorgarlik bilan etib borgan. Asosiy musobaqalar boshlanishiga ikki kun qolganida hamyurtlarimiz navbatdagi rasmiy tadbir – ishtirokchi mamlakatlarning bayroqlarini ko'tarish marosimida qatnashishdi.

Mazkur tadbirda O'zbekiston Milliy Paralimpiya Associaciyasi vakillari, murabbiylar va sportchilarimiz ishtirok etishdi. Vatanimiz madhiyasi sadolari ostida bayrog'imiz ko'tarildi. Endi Jakartadagi Paralimpiya shaharchasida O'zbekiston Respublikasi davlat bayrog'i ham hilpirab turibdi. Marosim davomida Vatanimiz bayrog'i bilan bir qatorda Singapur, Livan, Yaman va Mo'g'uliston bayroqlari ham ko'tarildi.

Tadbir yakunida Paralimpiya shaharchasi meri Rafik Hakim Radinal delegaciyalar rahbarlariga esdalik sovg'alarini topshirdi. O'z navbatida O'zbekiston Milliy Paralimpiya Associaciyasi nomidan mezbonlarga atalgan esdalik sovg'asi tuhfa qilindi.