Parij "Katta Dubulg'a" turniri uchun tarkibimiz tasdiqlandi

Ayni paytga qadar mukofot jamg'armasi 154 000 evroni tashkil etuvchi ushbu turnirda qatnashish istagini dunyoning 4 qitasi 49 davlatidan jami 279 (148 erkak, 131 ayol) nafar dzyudochi bildirgan. Ular orasida terma jamoamizning 3 nafar dzyudochisi ham bor. 

Murabbiylar shtabi qaroriga ko'ra, so'nggi Olimpiada manzili tatamilarida Bahrom Boturov (-60 kg), SHahram Ahadov (-73 kg) va O'tkirbek To'raboev (+100 kg) medallar uchun bahs olib boradi. Qolgan dzyudochilarimiz Boku va Toshkent "Katta Dubulg'a" turnirlariga tayyorgarlikni davom ettirishadi. 

Darvoqe, aynan Parij "Katta Dubulg'a" turniri doirasida bir nechta nominaciya bo'yicha 2024 yilgi mavsumning eng yaxshilari elon qilinadi. IJF tomonidan o'tkazilayotgan ushbu so'rovnomaning beshta nominaciyasida biznikilar ham bor. 

Parij "Katta Dubulg'a" turniriga boradigan tarkib:

-60 kg: Bahrom Boturov 

-73 kg: SHahram Ahadov 

+100 kg: O'tkirbek To'raboev

Murabbiy - Iskandar Rasulov

SHifokor - Sanjar Usmanaliev