Paulo Kosta Eddi Xirn bilan shartnoma imzoladi va UFC`dan ozod etishini talab qildi

"U bizga allaqachon shartnoma yuborgan. Men juda xursandman. O'ylaymanki, biz birgalikda katta ishlarni amalga oshiramiz", - dedi Kosta Ariel Xelvaniga bergan intervyusida.

Muvaffaqiyatsizlikka uchragan birinchi katta ish UFC bilan shartnomadan qutulishga urinish bo'ldi, u bo'yicha Kostaga faqat bitta jang qoldi.

"Ulardan meni shartnomadan ozod qilishlarini so'radim, lekin ular kamida bitta jang o'tkazishim kerakligini aytishdi. Aslida, meni ishdan bo'shatishlarini bir necha bor so'raganman. Oxirgi marta kecha bo'lgandi", - deb tushuntirdi "Borrachina".

Braziliyalik jangchining so'zlariga ko'ra, tashkilotning so'nggi taklifi Solt-Leyk-Sitidagi UFC 332 turnirida besh raundlik jang bo'lgan va u bundan voz kechgan.

"Ular raqib nomini aytishmadi, lekin besh raundlik jangni taklif qilishdi. Vaqtinchalik unvonsiz, men uchun hech qanday manoga ega bo'lmagan jang. Agar ular mening kamarsiz jang qilishimni istashsa, ko'proq to'lashlari kerak", - deya so'zlariga yakun yasadi Kosta.