"Paxtakor" guruhidagi holat yoxud "sherlar"ni pley-offda kutayotgan jamoalar malum!

Tur doirasida Toshkentning «Paxtakor» klubi o'z maydonida Eronning «Persepolis» jamoasi bilan to'qnash kelib, Igor Sereevning yagona goli evaziga zafar (1:0) quchdi. Guruhdagi 2-bahsda esa «Al-Sadd» (Qatar) S.Arabistonining «Al-Ahli» jamoasini taslim etib, keyingi bosqich masalasini ijobiy hal etdi. 

So'nggi tur oldidan «D» guruhidagi holat:

Ushbu guruhdan keyingi bosqichga yo'l oladigan ikki jamoaga «C» kvartetidagilar raqiblik qiladi. Mazkur tur doirasida Qatarning «Al-Duxayl» hamda «Istiqlol» (Eron) jamoalari o'zaro to'qnash keldi va ular o'rtasidagi bahsda durang natija (1:1) qayd etildi. Bu bilan eronliklar nimchorak finalga chiqish imkoniyatidan mahrum bo'lishdi. 

Guruhdagi ikkinchi o'yinda esa S.Arabistonining «Al-Hilol» klubi «Al-Ain»ni (BAA) mag'lub (2:0) etib, birinchi o'rinni naqd qildi. Demak, agar SHota Arveladze shogirdlari o'z guruhida peshqadam bo'lsa «Al-Duhail» bilan ikkinchi o'rinni olsa «Al-Hilol» nim chorak finalda uchrashadi.