"Paxtakor" mavsumni g'alaba bilan boshladi

O'yinning 21-daqiqasida Ismoil Gonsalvesh raqib jarima maydoni ichida yiqilib tushdi, hakamlar bu vaziyatda penalti yo'q deb hisoblashdi. 23-daqiqada stadionning ikkita projektori o'chib qoldi va o'yin to'xtab qoldi. Taxminan 7-8 daqiqadan so'ng kamchilik bartaraf etildi va bahs davom ettirildi. 

33-daqiqada mehmonlar hisobni ochishlari mumkin edi. Dilmurod Karimovning jarimadan yo'llagan zarbasi darvoza to'siniga tegib maydonni tark etdi. Birinchi taymga 9 daqiqa qo'shib berildi.

49-daqiqada burchak to'pidan keyin Bezerra boshi bilan zarba berdi, darvoza oldida turgan SHerzod Azamov hisobni ochdi - 1:0. 82-daqiqada Masharipov penalti ishladi va uni Ismoil Gonsalvesh aniq amalga oshirdi - 2:0.  Uchrashuv ana shu hisobda yakunlandi.