"Persepolis" O'runov sabab O'zbekiston futbol associaciyasi ustidan FIFAga shikoyat yozdi

SHikoyatda qayd qilinishicha, futbolchi jarohat olgani uchun Eron klubi uni O'zbekiston yig'iniga borishiga ruxsat bermagan. Biroq Oston terma jamoa o'yinlarida qatnashish uchun Toshkentga kelgan va jarohatini og'irlashtirib olgan. "Persepolis" muhim o'yinlarda undan foydalana olmayapti.

O'zbekistonning oktyabr oyidagi yig'ini boshlanishidan biroz avval Oston O'runov "Persepolis"ning "CHadormalu" jamoasiga qarshi uchrashuvning asosiy tarkibidan joy olgan edi. Ammo o'yinoldi mashg'ulotlarda jarohat olgan o'zbekistonlik hujumchi o'z o'rnini boshqa futbolchiga bo'shatib bergan. Eron jurnalistlari uning 3-4 haftaga safdan chiqqanini malum qilgandi.

Keyinchalik futbolchi Eron va BAAga qarshi uchrashuvlarda qatnashish uchun Toshkentga keldi. 10 oktyabr kuni Eronga qarshi o'tkazilgan O'zbekiston termasining o'yinida Oston O'runov 71-daqiqada zaxiradan maydonga tushdi.

15 oktyabr kuni o'tkazilgan O'zbekiston — BAA uchrashuvida O'runov jarohat sabab qatnashmasligi malum qilindi.