Peru JCH-2018 yo'llanmasidan mahrum qilinishi mumkin

Bu haqda Peruning Libero nashri xabar tarqatdi. Xabarda aytilishicha, Peru hukumati mamlakat futbol federaciyasining ishlariga aralasha boshlagan. Hukumat federaciyaning sport Davlat Institutining bir bo'lagi bo'lishiga chaqirgan.

Malumki, FIFA hukumatning har qanday holatdagi federaciya ishlariga aralashuvini keskin qoralaydi. Quvayt davlatining turli yoshdagi terma jamoalari aynan shunday sabab bilan FIFA bayrog'i ostida o'tkaziladigan barcha nufuzdagi musobaqalardan chetlatilgan.

Hozirning o'zida FIFA Peru hukumatini ogohlantirib, bu masala yuzasidan tushuntirish berishga chaqirdi. Agar vaziyat federaciya foydasiga o'zgartirilmasa, Peru terma jamoasidan JCH-2018 chiptasi olib qo'yiladi.

Malumot uchun, Peru terma jamoasi 36 yillik tanaffusdan so'ng JCH yo'llanmasini qo'lga kiritgandi. Peru chetlatilsa, u holda so'nggi yo'llanma Italiya terma jamoasiga taqdim etiladi.