Pikeni haqorat qilishgani bois Ispaniyaning kechagi mashg'uloti 23 daqiqa davom etdi

Ispaniya terma jamoasi muxlislari terma jamoaning ochiq mashg'uloti chog'ida Jerar Pikeni yoqimsiz xushtakbozlik va haqoratli so'zlar bilan qarshi olishdi.

Malumki, o'sha kuni Pike Kataloniya mustaqilligini yoqlab chiqqan va kerak bo'lsa Ispaniya terma jamoasini tark etishga ham tayyor ekanligini aytgandi. Bunga javoban muxlislar “Pike, axmoq, Ispaniya - sening vataning... terma jamoadan yo'qol!”, deb yozilgan bannerni ko'tirshgan.

Buning natijasida Ispaniya terma jamoasi bosh murabbiyi Xulen Lopetegi mashg'ulotni muddatidan oldin yakunlashga majbur bo'ldi. Bu vaqtga kelib mashg'ulotning endigina 23 daqiqasi ortda qolgandi.