27 noy 09:12
Yangiliklar

Boshqalar

Piskentda O'zbek jang sanati bo'yicha viloyat birinchiligi o'tkazildi + FOTO

Kecha Toshkent viloyatining Piskent tumanidagi bolalar-o'smirlar sport maktabida 2006-2013 yillarda tug'ilgan o'g'il bolalar va qizlar o'rtasida O'zbek jang sanati bo'yicha “Yangi O'zbekiston – Yangicha dunyoqarash” shiori ostida Toshkent viloyati birinchiligi bellashuvlari bo'lib o'tdi.

Toshkent viloyati jismoniy tarbiya va sport boshqarmasi hamda O'zbek jang sanati federaciyasining viloyat bo'limi taqvim-rejasidagi mazkur “Yangi O'zbekiston – Yangicha dunyoqarash ” shiori ostida o'tkazilgan musobaqada viloyatning barcha tuman va shaharlaridan 400 nafar yosh sportchilar o'z vazn toifalarida g'oliblik uchun kuch sinashishdi.

Kun davomida murosasiz va shiddatli janglarga boy tarzda o'tgan musobaqada umumjamoa hisobida eng ko'p medallarni qo'lga kiritgan Piskent tumani jamoasi faxrli birinchi o'rinni egalladi. Ikkinchi o'rin O'rtachirchiq tumani o'quvchilariga, uchinchi o'rin esa CHinoz tumani jamoasiga nasib etdi.