Polo bo'yicha mintaqaviy bosqich g'oliblari aniqlandi

Mamlakatimizda ot sporti turlarini yanada rivojlantirish, yangi avlod chavandozlarini tayyorlash va tarbiyalash, yoshlar o'rtasida ot sportini targ'ib qilish hamda ommalashtirish borasida keng ko'lamdagi ishlar olib borilmoqda.  

Bunda davlatimiz rahbarining 2021 yil 11 martdagi “Yilqichilik va ot sportini yanada rivojlantirish hamda zamonaviy beshkurash va polo sport turini ommalashtirish bo'yicha qo'shimcha chora-tadbirlar to'g'risida”gi qarori dasturilamal vazifasini bajarmoqda. 

Qaror ijrosini taminlash maqsadida har bir hududda CHavandozlar maktabi tashkil etilib, ot sportining beshkurash va polo sport turini rivojlantirgan holda turli musobaqalar tashkil etilmoqda.  

Musobaqada Navoiy, Samarqand va Buxoro viloyatining CHavandozlar maktabidan chavandozlar ishtirok etib, o'zaro bellashdi. Bellashuvlarda quyidagi hisoblar qayd etildi: Samarqand - Buxoro 1-0, Navoiy - Samarqand 5-0, Navoiy - Buxoro 5-1.  

Yakunda 1-o'rinni Navoiy, 2-o'rinni Samarqand va 3-o'rinni Buxoro viloyati CHavandozlar maktabi jamoasi qo'lga kiritdi.