Polshalik grossmeyster Yan Duda Samarqanddagi JCH doirasidagi o'yin paytida rossiyalik raqibiga qo'l uzatishni istamadi + VIDEO

Ushbu musobaqaning rapid yo'nalishida o'tkazilgan polshalik Yan-Kshishtof Duda hamda FIDE bayrog'i ostida ishtirok etgan rossiyalik Denis Xismatullin bahsida noodatiy voqelik yuz berdi.

Yani, partiya avvalida rossiyalik grossmeyster Denis Xismatullin raqibiga qo'l uzatdi. Duda esa unga qo'l uzatishni istamadi. Qizig'i, bu holatda rus sportchisi etika qo'mitasiga hech qanday etiroz bilan murojaat qilmadi.

Reglamentga ko'ra, FIDEda qo'l berib ko'rishish shaxmatchilar uchun tartibga solingan marosim emas va buni rad etish shaxmatchilarga sankciya qo'llash uchun asos bo'lmaydi. Ammo bunday holatda FIDE Etika qo'mitasiga shikoyat qilingan taqdirda, shaxmatchiga jazo qo'llanadi.

FIDE Duda-Xismatullin vaziyatini quyidagicha izohladi:

"Qo'lini uzatishdan bosh tortgan raqib ishi Etika qo'mitasiga murojaat qilinganidagina qanoatlantirilishi mumkin. Duda va Xismatullin bilan bog'liq vaziyatda esa bunday bayonot keltirilmagan", - deyiladi FIDE vakilining izohida.

Eslatib o'tamiz, mazkur o'yin durang bilan yakunlangan edi.