Polvonlarimiz Arnold SHvarcenegger turnirida ishtirok etadilar

Bu haqda Lola Karimova-Tillaeva o'zining ijtimoiy tarmoqdagi sahifasi orqali xabar berdi. Bu musobaqa AQSHning eng yirik sport festivallaridan biri sanalib, shaxsan Arnold SHvarcenegger tomonidan bevosita tashkil etiladi.

“Arnold Sports” festivalida minglab kuchli polvonlar ishtirok etib, turli xil sport yo'nalishlari, asosan, kuch ekstrimi va bodibildingda kuch sinashadilar.

Bizning sportchilarimiz ilk marotaba ushbu musobaqalarda 2015 yilda masrestling bo'yicha ishtirok etganlar. 2016 yilda esa o'zbekistonlik polvonlar “Arnold Strongman” musobaqalarida qatnashib, yarim final bosqichiga chiqishga sazovor bo'lganlar.

Navbatdagi sport festivalida ishtirok etib, Vatanimiz sharafini himoya qilish uchun sportchilarimiz Sergey Trubicin, Xamza Primov va SHuhrat Alixonovlar kuch ekstrimi, Olesya Gureeva esa masrestling bo'yicha kuch sinashishga tayyorgarlik ko'rmoqdalar.