Polvonlarimiz Turkmanistonda gilamga chiqishadi

Bo'lajak xalqaro turnirda yurtimiz sharafini jami 18 nafar (5 nafar ayol, 13 nafar erkak) polvonlarimiz himoya qilishadi. Terma jamoa tarkibidan Bobur To'xtasinov, Husniddin Ro'ziev, Elbek Sotiboldiev, Zohid Ismoilov kabi jahon chempionatining g'olib va sovrindorlari hamda yosh umidli sportchilarimiz joy olgan.

- Kelasi yili Turkmanistonda Yopiq inshootlardagi Osiyo o'yinlari hamda Butunjahon Talabalar Universiadasi bo'lib o'tadi. Ushbu turnir ana shu nufuzli musobaqalar oldidan mezbonlarga imtihon vazifasini o'tab beradi, - deydi terma jamoa bosh murabbiyi SHavkat Mirzaqulov. – Musobaqa bahona ular sport inshootlarini ko'zdan kechirib oladilar. Biz ham o'z navbatida joriy yil o'tadigan jahon chempionati oldidan sportchilarimizni yana bir bor imtixondan o'tkazib olamiz.

Delegaciyamiz azolari 22 iyun kuni Ashxobod shahriga yo'l olishadi.