Pop tumanida Paralimpiya sport turlari bo'yicha musobaqa o'tkazildi

Ushbu musobaqa O'zbekiston Respublikasi Prezidentining 2021 yil 18 maydagi «Paralimpiya harakatini rivojlantirishga doir qo'shimcha chora-tadbirlar to'g'risida»gi qarorining ijrosini taminlash maqsadida o'tkazildi.

Unda viloyatning Pop, To'raqo'rg'on va Kosonsoy tumanlari hamda Namangan shahri yoshlari paralimpiya sport turlaridan para dzyudo, para stol tennisi, para shaxmat-shashka, para engil atletika bo'yicha o'zaro bahs olib borishdi.

Musobaqa so'ngida sportchilar nomma-nom etirof etilib, ularning murabbiylari va ota-onalariga tashakkur bildirildi. G'olib va sovrindorlar, qolaversa musobaqaning faol ishtirokchilariga hamkor tashkilotlar bo'lmish tuman nogironlar jamiyati, Ichki ishlar bo'limi, Milliy gvardiya, «Paxtakor» mahalla fuqarolar yig'ini tomonidan esdalik sovg'alar topshirildi.

SHuningdek, paralimpiya sport turlari bo'yicha sport maktabi mamuriyati tomonidan ulkan marralarni ko'zlab ushbu yoshlarni sportga qamrab olish ishlari boshlab yuborildi.