Poytaxtimiz mezbonligida o'tadigan Harbiylar o'rtasidagi 42-Jahon chempionati oldidan matbuot anjumani tashkil etildi

Biroz avval ushbu nufuzli musobaqaga bag'ishlangan matbuot anjumani bo'lib o'tdi. 

Unda Xalqaro sport Kengashi (CISM) Sport direktori Yan Van den Dul, CISM azosi general mayor Oleg Botsman, CISM Dzyudo bo'yicha sport komissiyasi prezidenti general Farshad Najafipur, O'zbekiston Respublikasi Mudofaa vaziri o'rinbosari, mamlakat dzyudo federaciyasi o'rinbosari Alisher Narbaev, federaciya bosh kotibi Aziz Sobirov va boshqa mutasaddilar ishtirok etishdi.  

Malumki, Xalqaro sport Kengashi (CISM) muntazam ravishda bir nechta sport turi bo'yicha turli darajadagi musobaqalar, xususan jahon chempionatlarini o'tkazib kelyapti. Jumladan, tashkilot tomonidan shu kungacha dzyudo bo'yicha 41 ta jahon chempionati tashkil etilgan. 

2021 yil Franciya, o'tgan yili esa Dominikan Respublikasi dunyo birinchiligiga mezbonlik qildi. Toshkent shahri mezbonligida o'tkaziladigan jahon chempionaida sayyoramizning 5 qitasi 30 dan ortiq mamlakatida kelgan 400 nafarga yaqin harbiy dzyudochilar etib keldi.  

Spikerlar o'z yo'nalishlarida jahon chempionatiga olib borilgan tayyorgarliklar bo'yicha atroflicha malumot berishdi. Reja bo'yicha 16-17 oktyabr kunlari yakkalik musobaqasida jahon chempionati g'olib va sovrindorlari aniqlanadi. 18 oktyabrda aralash jamoaviy bahslar tashkil etiladi hamda shu kunning o'zida jahon chempionatining tantanali yopilish marosimi o'tkaziladi. Yakkalik bahslarida jami 18 nafar dzyudochimiz jahon chempionati medallari uchun tatamiga chiqadi.     

Malumot uchun, o'tgan yili 24 iyul - 1 avgust kunlari Dominikan Respublikasining Santo-Domingo shahrida o'tgan jahon chempionatida O'zbekiston terma jamoasi 2 ta oltin va 2 ta kumush medal bilan umumjamoa hisobida kuchli to'rtlikdan joy olgandi. O'shanda dzyudochilarimizdan Muso Sobirov (-81 kg) va Muhammadkarim Hurramov (+100 kg) chempionlik shohsupasiga ko'tarilgandi.