19 apr 17:09
Yangiliklar

SHaxmat

Poytaxtimizda "Sohibqiron kubogi" xalqaro shaxmat turniri bo'lib o'tmoqda FOTOGALEREYA

Poytaxtimizdagi Xalqaro shaxmat akademiyasida bo'lib o'tayotgan “Sahibkiran Cup 2023” III Xalqaro turnirida 13 davlatdan 164 nafar shaxmatchi ishtirok etmoqda.

Turnir shveycarcha tizim bo'yicha o'tkazilmoqda. Reyting natijalariga qarab, “A” va “B” guruhlariga bo'lingan ishtirokchilar 9 ta turda o'z mahoratlarini namoyon etadilar.

7-tur nihoyasiga etgach, shaxmatchilarning guruhdagi vaziyatlari aniq bo'lib qoldi. 7 imkoniyatdan 5,5 ochko jamg'ara olgan Alisher Suleymenov (Qozog'iston) “A” guruhida peshqadam bo'lib turibdi. Peshqadamdan so'ng, biryo'la 8 ishtirokchi 5 tadan ochko to'plagan.

“B” guruhida Jo'rabek Ibodullaev va Marsel SHoyusupov 6,5 tadan ochko bilan guruhda etakchilik qilmoqda. Guruhda 6 nafar shaxmatchi bir xil - 5,5 tadan ochko jamg'arib keyingi pog'onalarni egallab turibdi.

Musobaqaning g'olib va sovrindorlari 20 aprel kuni malum bo'ladi.